(ВИДЕO) Жена се породила пред болница - не ја примиле бидејќи било полно со ковид пациенти
Објавено во: Свет, Корона Вирус 05 Февруари, 2021
Во Мексико, жена се породила пред болница откако не сакале да ја примат поради тоа што внатре било преполно со заразени со коронавирусот.
Мексиканка (28) морала да се породи на влезот на болницата во јужната мексиканска држава Оахака, затоа што болницата во која отишла била полна со пациенти. Жената наводно чекала десет минути пред болницата за да биде примена, по неуспешните обиди на нејзиниот партнер да ги убеди вработените да ја примат, објави „Дејли меил“. Медицинскиот персонал и рекол на мајката да почека пред болницата, која е полна со пациенти со ковид-19, а на видеото се гледаат лекари и медицински сестри кои ја опкружуваат жената додека се породувала.
„Мајката и нејзиното петто дете се во стабилна состојба“, објави Министерството за здравство на државата Оахака.
По раѓањето, бебето е завиткано во ќебе и пренесено во болница.
Meксико е 13-та земја во светот по бројот на заразени. Досега во оваа земја над 160.000 луѓе починале од коронавирусот.