(ВИДЕО) Донација на векот: Саудиски принц го дава богатството во хуманитарни цели!

Добивај вести на Viber

Еден од најбогатите луѓе на светот, саудискиот принц Ал-Валеед бин Талал, изјавил дека сите пари кои ги поседува ќе ги донира во хуманитарни цели, а се работи за 32 милијарди долари, пишува Би-Би-Си.

Шеесет годишниот саудиски принц, кој во моментов се наоѓа на 34 место на листата на Форбс најбогати луѓе на светот, изјавил дека е инспириран од фондацијата Гејтс, која Бил Гејтс со својата сопруга Мелинда ја основал во 1997 година.

Донираните пари ќе бидат префрлени на сметка на хуманитарната организација на прунцот Al-Waleed Philanthropies, и насочени како што најавил принцот , на иницијативи и проекти кои поттикнуваат разбирање и размена меѓу културите, јакнење на улогата на жената во социјалниот живот и слично.

Бил Гејтс ја поздрави оваа одлука. „Ова е инспирација за сите нас, филантропи широк светот“, рекол тој.

Прнцот Ал-Валед бин Талал се наоѓа на чело на компанијата Кингдом Холдинг, а парите кои ги донира е негово приватно богатство.

„Тоа е всушност одделено од моето сопствеништво во компанијата“, објаснил, како пренесува Би-Би-Си.

А во своето соопштение за јавноста по повод оваа одлука, која ја објави пред светот за време на Рамазан, рекол:

„Филантропијата е лична одговорност која ја прифатив пред повеќе од три децении. Тоа е суштината на мојата вера. Се надевам дека овој подарок ќе помогне во разбирање меѓу културите на светот, како и во развивање на друштвото во секој поглед, посебно на оние заедници на кои им е најпотребно, со нагласување на промоција на толеранцијата и меѓусебното прифаќање“.

Донацијата ќе се реализира , како што најавил принцот, во текот на следните неколку години.