(ВИДЕО И ФОТО) Уште тоа ли требаше - разорна бура го опустоши западот на Индија
Објавено во: Свет 18 Мај, 2021
Разорната бура Тауктаи, која ги погоди областите долж западниот брег на индискиот потконтинент, започна да слабее денес, објави надлежната метеоролошка служба.
Десетици илјади луѓе беа евакуирани, а бурата искорна дрвја и уништи села и градови во државата Гуџарат.
Ова беше најсилното невреме во последните две децении, проследено со налети на ветер до 210 километри на час, пренесува Ројтерс.
Повеќе од 200.000 луѓе беа евакуирани, а според официјалните извештаи, невремето однесе најмалку 16 животи и остави пустош зад себе, пренесува Танјуг.
Индиската морнарица потврди дека успеала да спаси 146 лица од два товарни брода во водите во близина на Мумбаи, како и дека потрагата по море со авиони и хеликоптери продолжува.
„Наш приоритет е да ги расчистиме патиштата за да можеме да им доставуваме кислород на пациентите со Ковид без пречки“, рече висок службеник во регионот Бавнагар на Гуџарат.
Извор, фото и видео: Нова.рс