(ВИДЕО) Мир во источниот дел на Украина: Инциденти има, но главно се почитува примирјето

Добивај вести на Viber

Примирјето во источниот дел на Украина се почитува освен некои локални ициденти, кои треба брзо да се решат, стои во денешното соопштение од кабинетот на францускиот претседател Франсоа Оланд и германската канцеларка Ангела Меркел.

Тие двајца разговарале со претседателите на Русија и Украина околу договорот постигнат во Минска на 12-ти февруари сложувајки се да продолжат со наредните чекори предвидени во тој договор, стои во понатамошното соопштение кое го пренесува Ројтерс. Во соопштението се наведува повлекување на тешкото вооружување под надзор на ОБСЕ, како и почеток на дијалог во превец на одржување на локални избори на истокот во Украина.

Оланд и Меркел изразуваат целосна согласност за резолуцијата на советот за безбедност ОН која се поврзува со мерките предвидени по договорот во Минск, пренесува АФП.

Огнот нагло прекина по полноќ на поголемиот дел во источна Украина согласно со договорот за прекин на огнот, постигнат после еднонеделните дипломатски активности кои ги предводеа Франција и Германија.

Украинските сили го кршеле примирјето и пукале во позициите како самоодбрана на Јанкјев, Горловка и на аеродромот во Доњцек, јавија руските медиуми.

Проруските сили најавиле дека нема да го почитуваат примирјето во стратешки важниот град Дебаљцево, кое го опколиле украинските трупи.