(ВИДЕО) НЕКОЈ АГРЕСИВЕН, НЕКОЈ РАСПОЛОЖЕН: Пратениците на ВМРО-ДПМНЕ се собраа во партијата

Добивај вести на Viber

Пратениците на ВМРО-ДПМНЕ се собраа во седиштето на партијата каде што во моментов на Извршен комитет носат одлука за идната влада.

Дел од нив при пристигувањето на состанокот беа пречекани од новинарските екипи кои љубопитни поставуваа прашања и се обидуваа да откријат детал повеќе .

Меѓутоа, дел од нив не сакаа да коментираат ништо, а Антонио Милошоски расположен даде кратка изјава во која рече дека вечерва ќе се одлучи што ќе се прави.

„Вечерва ќе одлучиме што и како ќе правиме, не можам ништо да соопштам се додека не почне Извршниот комитет на ВМРО-ДПМНЕ и тогаш ќе се дискутираат сите опции“, рече Милошоски кој одбегна да ги коментира информациите кои се објавуваат во медиумите за преговорите и состанокот кој се одржува во ДУИ.

Милошоски не сакаше да коментира за преговорите со ДУИ, како и за очекувањата од состанокот на централното претседателство во Мала Речица. 

Пратеничката Даниела Рангелова реши да ги стави „на игнор“ новинарите и кратко одговарајќи рече дека „Граѓаните одлучиле“ и влезе во партијата.

Најагресивен на новинарските прашања сепак се покажа Филип Петровски.

Тој брзајќи да избега од новинарите  при влезот во седиштето на ВМРО-ДПМНЕ со раката ги оттурна микрофоните во негова близина.

Засега идната влада и старо-новата коалиција на Груевски и Ахмети е неизвесна.

Видео: Тв21 и Нова Тв.