ВИДЕО ОД ШВЕДСКА КОЕ ГО „ЗАПАЛИ“ ИНТЕРНЕТОТ: демонстранти следат министер низ улиците, еве што направи да не му влезат дома

Добивај вести на Viber

Шведската политичка сцена е потресена од инцидент што предизвика бран осуди меѓу високите државни функционери

Група пропалестински демонстранти вербално го нападнаа шведскиот министер за цивилна одбрана Карл-Оскар Болин додека се враќал дома од состанок во понеделник вечерта.

Во видеото што го сподели самиот министер на социјалните мрежи, може да се видат активисти како го следат и извикуваат „Срам да ви е!“.

За да избегне група демонстранти да дојдат пред неговиот праг, Болин се вратил во зградата на парламентот.

Денот по инцидентот, Болин, во гостување на јавниот радиодифузен сервис СВТ, го оцени однесувањето на активистите како „опасно и неприфатливо“.

- Каде е линијата што се подготвени да ја преминат? Ова повеќе не е протест, туку притисок што ги загрозува институциите - рече министерот, додавајќи дека државата мора да застане зад својата еврејска заедница.

Неговата колешка од владата, министерката за енергетика Еба Бус, ги нарече активистите „варвари“ и ги обвини дека директно ги напаѓаат фундаменталните вредности на шведската демократија.

Ikväll deltog jag på en träff med den moderata riksdagsgruppen på riksdagen. När jag klev ut vid Mynttorget och skulle promenera hem såg det ut såhär. En grupp människor med antisocialt dominansbeteende började förfölja mig vilket resulterade i att jag helt enkelt inte kunde ta… pic.twitter.com/NL8NkwpHmI

— Carl-Oskar Bohlin (@CarlOskar) September 8, 2025

„Во земја со долга традиција на слобода на говор, ваквото однесување е неприфатливо. Очекувам итен полициски одговор и разгледување на нови закони за заштита на политичарите“, напиша Бус на мрежата X.

Премиерот Улф Кристерсон, исто така, се огласи, велејќи дека секој е слободен да го изрази своето мислење за Блискиот Исток, но дека „никој нема право да заплашува или прогонува избрани претставници на народот“.

„Ова не е изразување мислење, ова е обид за влијание врз политиката со сила“, предупреди премиерот, повикувајќи на единствена осуда од сите политички партии.

Полицијата веќе отвори истрага, а според извештаите во весникот „Свенска Дагбладет“, во тек е идентификација на вклучените во инцидентот.

Фото: Принтскрин/Икс