(ВИДЕО) Патот Скопје - Блаце со дупки по осум месеци од реконструкцијата
Објавено во: Македонија 16 Октомври, 2024
По осум месеци од реконструкцијата и рехабилитацијата,патот Скопје - Блаце е со дупки и пукнатини, објави ТВ21.
Чинеше 3,8 милиони евра, долг е 10 километри, реконструкцијата беше завршена пред 8 месеци, но веќе почнаа да се појавуваат дупки на стариот пат Скопје-Блаце.
Камерите на телевизијата снимија детали кои покажуваат дека веќе почнала деградацијата на патот. Покрај дупките, околу коловозот се појавија и пукнатини од асфалтот.
Реконструкцијата беше свечено отворена на 25 јануари 2024 година од страна на поранешниот вицепремиер Артан Груби и поранешниот директор на ЈП „Државни патишта“, Ејуп Рустеми.