(ВИДЕО) ШОКАНТНО: Откриено како опасна бактерија стигнува до пилешкото месо!

Добивај вести на Viber

Тајни видео снимки, фотографии и инсајдери на британскиот весник Гардијан му откриле колку се кршат строгите хигиенски стандарди во преработката на пилешкото месо, кои имаат за цел да спречат месото да се контаминира со потенцијално смртоносната кампилобактерија. Доказите кои ги обезбедил Гардијан натерале неколку британски компании, меѓу кои и Теско, Сеинсбури и Маркс енд Спенсер да покренат истрага против своите добавувачи на пилешко месо. Имено, новинарите на Гардијан го истражувале случајот цели пет месеци, при што дошле до шокантни сознанија за огромни хигиенски пропусти во фабриките. Пропустите особено биле регистрирани во двете најголеми британски компании за преработка на живина: Ту Систерс Фуд Груп и Фаченда, кои снабдуваат најголем дел од маркетите низ Велика Британија со пилешко месо и преработки. Овие компании сега се соочуваат со бројни обвиненија, меѓу кои: пилешкото месо кое паѓа на подот неколкупати се враќа на производната линија, водата за чистење на пилињата не се менувала по неколку дена, па низ иста вода минувале и по 250.000 парчиња живина по колење, дефекти на машините кои предизвикуваат собирање на материјал со голем ризик во близина на месото. Според еден од инсајдерите кој прифатил да зборува, фабриките редовно ги игнорираат правилата за биосигурност кои треба да го спречат ширењето на кампилобактеријата во ладилниците. Иако слично како и листеријата која деновиве беше откриена во Македонија, се убива со готвење на висока температура, сепак околу 280.000 Британци годишно се заразуваат со кампилобактерија, од кои во просек околу 100 умираат. Во последната деценија тој процент се зголемува. Статистичките податоци покажуваат дека дури 80% од инфекциите со оваа опасна бактерија се предизвикани од пилешко месо. Еве што забележа скриената камера на Гардијан во фабриките: http://www.youtube.com/watch?v=tQjAeeaxIp0#t=538