(ВИДЕО) СИЛНО НЕВРЕМЕ ВО НЕГОТИНСКО: Камења и кал се слеваа по улиците

Добивај вести на Viber

Силно невреме денеска околу пладне го зафати подрачјето на Општина Неготино.  ТППЕ Неготино интервенирале со 4 екипи од 8 пожарникари и 3 противпожарни ПП возила со соодветна опрема за испумпување на насобраната вода.

Обилните врнежи од дожд предизвикале поплавување на неколку деловни објекти и куќа во селото Дисан.

Региналниот ЦУК Велес известува дека според информацијата добиена од Територијалната противпожарна единица ТППЕ Неготино, во текот на денот од 11.45 до 12.30 часот на подрачјето на Општина Неготино се случило невреме, пропратено со врнежи од дожд. Врнежите биле обилни и истите предизвикале поплавување на неколку деловни објекти во центарот на градот, трафостаница на ЕВН за којашто било реагирано на време од страна на Територијалната противпожарна единица ТППЕ Неготино и не дошло до прекин во електроснабдувањето. Исто така, во с. Дисан имало поплава на станбен објект (куќа). ТППЕ Неготино интервенирале со 4 екипи од 8 пожарникари и 3 противпожарни ПП возила со соодветна опрема за испумпување на насобраната вода. Има предизвикано материјална штета која дополнително ќе се утврдува. Интрвенцијата траела од 12.30 до 16,30 часот, известува Центарот за управување со кризи.