(ВИДЕО) Скијачките центри се залудни инвестиции во Македонија?
Објавено во: Македонија 05 Февруари, 2023 09:54
Најновата инвестиција се најавува за Попова Шапка од италијански инвеститор кој тука сака да изгради скијачки центар. Во време кога се алармира на влијанијата од климатските промени со пораст на температурите и намалување на врнежите тешко е да се најде објаснување зошто би се инвестирало во оваа скапа индустрија.
Ова е прва по речиси 70 години, на Попова Шапка и Маврово да нема снег во декември.
Во опкружување со веќе развиени скијачки центри во регионот, друг предизвик е финансиската исплатливост од ваква инвестиција.
Долга е и листата на опасности од неповратно уништување на природата од плановите за изградба на вакви центри за масовен туризам.
Острови од вештачки снег опкружени со зелена трева – ова е сликата од Светскиот куп во скијање во Аделбоден, Швајцарија годинава. Европа преживеа топлотен бран в зима, а климатската криза предизвика и снежна криза.
Научниците кои се занимаваат со метеорологија и климатологија, пред многу децении предупредија на овие случувања уште на Првата светска конференција за клима во седумдесетите години на минатиот век.
Во Македонија постојат пет скијачки центри. Во нив, речиси и да не се вложува воопшто. Но, во Стратегијата за заштита на природата, повисоките планини, особено оние над 2.000 метри, се ставени како мошне атрактивни, вредни предели од научен, но и од туристички аспект, со исклучок на масовниот туризам, пишува Институтот за комуникациски студии.Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
