ВИДЕО: Србин открива каков е всушност животот во Северна Кореја

Добивај вести на Viber

Познато е дека Србите реагираат на неправда каде и да се наоѓаат, таков пример е и Алекс Вуловиќ кој има 25 години и е роден во Белград.

Тој моментално живее во Сиднеј, кадешто после објавување на сатиричен документарец за Северна Кореја станува многу популарен.

Тој неодамна ја посетил земјата за која светот многу малку знае, за како што вели, да им ги отвори очите на оние коишто ја гледаат од „американски агол“

Како студент на политички науки, имал потреба да го сними филмот поради глобалната неправда која и неговата родена земја Србија во минатото ја трпела со децении.

 Во почетокот на видеото се зборува за опасната држава која е водена од политиката на страшен диктатор.

Вуловиќ во видеото објаснува што знаеме за државата. Како факт го истакнува тоа дека и дете од 5 години точно знае кој е лидер во Северна Кореја.

Тој посочува дека во Северна Кореја ништо не е нормално, дури ни досадните работи не се нормални.

 „Фризурите предизвикуваат големо внимание со тоа што мора сите да наликуваат на фризурата која ја има лидерот Ким Џонг Ун“, изјави Вуловиќ и додава дека иако секојдневно медиумите не „преплавуваат“ со вести за диктаторскиот начин на живот во земјата, тоа не значи дека сите луѓе веруваат во тоа.

 Затоа се решава да ја посети државата и да провери дали идентичната фризура е вистинита.

Во документарниот филм тој го додава и видеото кадешто го потстижуваат, за кое што вели дека апсолутно сам си избрал како ќе му биде новата фризура, а потоа го објавува и на својот youtube канал.

 Вуловиќ во своето видео зборува и за затворите. Тој посочува дека скоро сите коментираат дека во Северна Кореја можеш да одиш зад решетки и ако ништо не направиш.

Тој додава дека тоа е стара вест, и како најатрактивна ја посочува Америка како држава која поседува најмногу затвори.

 После десетици илјади прегледи следуваат и многу посети по телевизиите каде објаснува дека не можел повеќе да чита за лагите коишто се пласираат во медиумите.

„Имав потреба да одговорам на некој прашања, баш како што правеле и моите родители после бомбардирањето на Србија, пред 18 години. Тогаш имав 7 години и се сеќавам на искривените слики за србите и се тоа што се пласирало низ медиумите на запад“, посочува Алекс.

Тој истакнува дека навикнал да го патува светот без голема организација, менува превозни средства, многу пешачи а со тоа и ги открива различните култури. Сепак признава дека патувањето за Северна Кореја е сосема подруго.

„Задолжително одевме со нивни водичи, не бев толку слободен како што сум навикнат. Таму поминав 7 дена прекрасни без оглед на лошите приказни“, вели Вујовиќ.

 Алекс за крај додава дека следен документарец кој се подготвува е за тероризмот во Австралија.

Во продолжение можете да го погледнете видеото: