(ВИДЕО) Стан во Гостивар претворен во нелегален мобилен оператор
Објавено во: Мои пари 22 Март, 2015
Нелегален мобилен оператор бил откриен од страна на МВР во Гостивар .
Ова се документира како редок случај на компјутерски криминал кој функционирал во стан кој бил претворен во нелегален мобилен оператор и преку него се реализирал меѓународен мобилен сообраќај на црно.
Од извршениот претрес на Одделение за истраги за компјутерски криминал е пронајдена и одземена софистицирана техничка опрема која се користела за нелегална интерконекција за мобилен (GSM) сообраќај кон голем број странски држави.
Откриени биле: Два TELE 5 V Gate сим бокс уреди кои содржат 10 модули за СИМ картички (со капацитет на еден модул од 56 СИМ картички) или вкупно 1280 СИМ картички активни во еден исти момент, Два сервера TELE 5 ( SAN NETRA X4200 ) наменети за терминација и трансферирање на телефонскиот сообраќајот од еден вид во друг, Еден десктоп компјутер преку за мониторинг и управување на спомената опрема, односно контрола на реализираниот сообраќај, активни СИМ картички и замена на СИМ картички блокирани од страна на мобилниот оператор, потоа СИМ БОКС уреди со помал капацитет на СИМ картички и антени за истите и огромен број на СИМ картички ( над 40 000 ) од мобилни оператори од целиот свет, од кои најголем број се на мобилни оператори кои функционираат во соседните држави ( Србија, Босна; Хрватска, Словенија, Албанија и Косово ).
[embed width="700" height="450" ]https://www.youtube.com/watch?v=DTSYo73SrAI[/embed]