Добивај вести на Viber

Најмалку 27 мртви и повеќе од 650 повредени, е најновиот биланс од земјотресот со јачина од 6,4 степени по Рихтер кој ја погоди Албанија, каде денес е Ден на жалост, а знамињата на институциите се спуштени на половина копје.

Тоа беше најсилниот земјотрес кој ја погоди Албанија во последните 40 години, а после првиот удар следеле уште 250 дополнителни потреси. Властите рано утринава потврдиле дека се најдени телата на уште четири жртви. Инаку, се трага за уште 10 до 15 луѓе.

Во Драч, вториот по големина град во Албанија, над стотици граѓани ноќта ја поминале надвор.

Спиеле на фудбалскиот терен во шатори и автомобили. Албанскиот премиер Еди Рама ветил дека спасувачите ќе продолжат „стрпливо и темелно да трагаат до крај“, пренесе БиБиСи.

Земјотресот е регистриран во 3,55 часот во вторникот во Драч, 36 км од Тирана а на видео снимките можеа да се видат урнатите згради. СиЕнЕн пренесува дека околу 45 лица се спасени од урнатините.

Албанската министерка за здравство Огерта Манастирлиу соопштила дека повеќе од 650 луѓе се повредени, од кои деветмина се животно загрозени. Според неговите зборови, 65 лица се задржани во болниците. Министерката кажала дека службата за вонредни ситуации примила 1 200 повици за помош.

Спасувачите синоќа од урнатните извлекле 24-годишна личност. Успеале да извлечат и 30 годишна жена, но таа после неколку часа починала. Под урнатините животот го завршила и нејзината ќерка. Жителката на Драч Букури Морина и нејзиното десетчлено семејство им се придружила на илјадниците други кои ноќта ја поминале на фудбалскиот стадион.

-Се плашиме да се вратиме во станот-рекла таа.

ФОТО: ЕПА/АП