(ВИДЕО) Таравари открива: 15 години немаше проширување на „позитивната листа на лекови“, зошто секој министер „си чекаше своја комисија“

Добивај вести на Viber

Министерот за здравство Арбен Таравари во емисијата „Бизнис Муабети“ со Мишко Иванов откри зошто досега 15 години немало проширување на „позитивната листа“ на лекови што одат на товар на здравствениот фонд.

- Пролонгирањето на позитивната листа на лекови знаете зошто се пролонгирала? Да беше некој „бизнис ориентед“ министер ќе го оставеше тоа и ќе речеше „ај понатаму ќе видиме“ кога ќе формира негова комсиија. Има многу групи на интереси таму. Секој сака да има своја комисија затоа. Но јас прифатив комисија таква каква што е во моментот. Така се одолговлекуваат работите. Да бев деструктивен министер, ќе дојдев и ќе речев „јас ќе формирам сега нова комисија“. Меѓутоа прифатив - тоа што работеле професионалците, одиме со проширување. Значи 15 години немало проширување на позитивната листа, рече Таравари.

Тој потврди дека се вратат големи пари во здравството, но не сакаше да оди со бројки во приватното, туку само во јавното.

- Се вртат големи пари во здравството,но не можам да излезам со сигурни бројки., Само за здравство, во буџетот на Македонија има милијарда евра.Значи тука влегуваат Министерството за здравство и Фондот за здравствено осигурување, вели Таравари.

Министерот рече и дека, за негова среќа, не доживеал инфаркт, туку само колапс, по што сега се чувствува пдообро.

- Поминав еден колапс пред 10 дена, ги направив сите испитувања што не сум ги направил со години. Фала му на Господ добро е, не е инфаркт, треба да внимаваме на годините. Биологијата си го прави своето, смета Таравари.