(ВИДЕО) Ужасно невреме во Фиренца – 20 луѓе повредени од град!

Добивај вести на Viber

Една од најпознатите туристички атракции во италијанскиот град Фиренца, Галерија Уфизи во истоимената палата, е затворена заради штетата што ја предизвика денешното невреме со град во кое беа повредени 20-тина лица, соопштија градските власти. Невремето со грмотевици ја погоди Фиренца и околните подрачја во Тоскана, проследено со град, торнадо и на крајот со поплава. Пет луѓе се повредени кога делумно се урнала една училишна зграда, а градоначалникот Дарио Нардела свика итен состанок на кризниот штаб со претставници на цивилната заштита. Тој на граѓаните им порача да не излегуваат од домовите, а употребата на возилата да ја сведат на минимум. Во Фиренца заради невремето се затворени и останатите музеи, како што се Пити, Сан Марко и Палацо Даванзати, како и манастирите и јавните паркови. Погледнете снимки од ова ужасно невреме: http://www.youtube.com/watch?v=vduIdPSTW6g http://www.youtube.com/watch?v=4h9wxpCoKOI http://www.youtube.com/watch?v=3I-gq4uS2WY http://www.youtube.com/watch?v=jyKTAKKnQUQ http://www.youtube.com/watch?v=YespstLJbAc