(ВИДЕО) ЗЕЛЕНСКИ ПОКАЖА КАДЕ ЖИВЕЕ ОД ПОЧЕТОКОТ НА ВОЈНАТА: Соба со еден кревет и ќебе со цвеќиња

Добивај вести на Viber

Украинскиот претседател Володимир Зеленски на телевизиските новинари им го покажа привременото сместување во кое вели дека живее од почетокот на војната, пишува ДПА.

„Јас живеам овде“, рече Зеленски во документарецот на новинарот Дмитри Комаров, кој во петокот беше емитуван на украинската телевизија 1+1. Зеленски рече дека бил таму и кога започнала руската инвазија на Украина на 24 февруари 2022 година.

Клип од филмот на Твитер објави и Антон Герашченко, советник за внатрешно-политички прашања на украинскиот претседател.

"This is where I've been living for a year" - @ZelenskyyUa showed Ukrainian journalist Dmytro Komarov his wartime living conditions and his wardrobe. pic.twitter.com/0McF8EEHUf

— Anton Gerashchenko (@Gerashchenko_en) February 25, 2023

Прозорците на импровизираното сместување се покриени со дебели завеси. На креветот има перници и прекривка со цвеќиња, а можете да ги видите и телевизорот, столицата и работната маса.

„Во моментов не носам одела“

Во филмот, Зеленски на камерманите им го покажува и својот ’walk-in’ плакар, каде што висат маслинесто зелени и маскирни јакни, а на подот има војнички чизми.

Ова е мојата „секојдневна облека“, рече Зеленски. „Во моментов не носам костуми“, додаде тој.

Меѓутоа, Зеленски потоа вади одело од левиот агол на плакарот. „Тоа е симбол дека војната наскоро ќе заврши, ќе победиме“, рече Зеленски низ насмевка.