„ВИДОВМЕ ВО СНИМКИТЕ ШТО САМИ ГИ ПУШТИЈА ДЕКА ЕКСПЕРТИ ЗА КУФЕРИ СО ПАРИ СЕ НЕГОВИТЕ ФИНАНСИЕРИ“: Заев со остра реакција по изјавите на премиерот

Добивај вести на Viber

Небулози, клевети и навреди се методите на Мицкоски со кои сака да се оправда за катастрофата која и ја нанесува на целата држава.

Неспособноста да испорача макар и еден единствен резултат во која било сфера од општеството и политиката, залиена со неговата самобендисаност и аздисаност ќе го турне во политичка провалија. Но, ќе мораме да внимаваме да не ни ја повлече и државата со себе во таа провалија.

Ова го напиша пред кратко поранешниот премиер и лидер на сега опозициската СДСМ, Зоран Заев, кој остро реагираше на тврдењата на актуелниот премиер. 

- Најостро и категорично ги отфрлам лагите и клеветењата од Мицкоски за наводни “куферчиња со пари од поранешен премиер од Бугарија” како невистини и како очаен обид на неспособниот премиер да го пренасочи вниманието на јавноста од неговите неуспеси кон неговите измислици.

А, кога сме веќе кај куферите, видовме во снимките што сами си ги пуштија во јавност дека експерти за куфери со пари се токму неговите поддржувачи и финансиери. Оние за кои се фалеше дека му ги плаќале сметките за струја во Белата палата, оние несудени бугарски конзули и осудени криминалци пуштени да се бранат од слобода за да ја напаѓаат опозицијата - пишува Заев во реакцијата објавена на социјалните мрежи. 

Еве ја неговата објава: 

Фото: Принтскрин/Фејсбук/Зоран Заев