Вип со раст на приходите за 13% и профит од половина милион евра

Добивај вести на Viber

Во 2012 година приходите на Вип пораснаа за околу 13% достигнувајќи 60,3 милиони евра. Заработката пред оданочување речиси двојно е зголемена и изнесува 12,1 милиони евра, што е водено пред се од континуираниот раст на корисничката база, покажува финансискиот извештај на операторот за 2012 година. Според податоците за работењето минатата година компанијата успеа да ја подобри оперативната добивка која сега изнесува 500.000 евра, споредено со загубата од 10,3 милиони евра во 2011 година. Во исто време, како што стои во соопштението од компанијата, Вип ја зголемил својата претплатничка база за 11,5 % достигнувајќи 632.000 корисници во 2012 година. На крајот на 2012 година Вип ја зацврсти својата позиција како втор мобилен оператор на пазарот и го зголеми својот пазарен удел на 27,3%. Минатата година Вип инвестираше повеќе од 12 милиони евра на македонскиот пазар. „Пет години по влезот на македонскиот пазар, Вип е горд на своите постигнувања и одличните резултати со кои потврдува дека е успешна приказна на Телеком Австрија Групацијата. 2012 година покажа дека Вип цврсто стои на свои нозе и дека има сила и капацитет, дури и во услови на криза, да инвестира на македонскиот пазар за доброто на корисниците. Горди сме што придонесуваме кон профитот на Телеком Австрија Групацијата, но пред се среќни сме со перманентниотраст на корисничката база и зголемувањето на задоволството на нашите корисници, што секако претставува одлична појдовна точка за 2013 година“ изјави Никола Љушев, генерален извршен директор на Вип. Според Питер Цидек, главен финансиски директор на Вип, компанијата се движи во, а со тоа се обезбедува на корисниците најдобра вредност на македонскиот пазар. „Во услови на мошне тешко економско опкружување, Вип инвестираше во инфраструктурата и вложи околу 15 милиони евра за изградба на нашата модерна 3G HSPA+ мрежа со најголемата 3Г покриеност во Македонија. Ќе продолжиме да инвестираме за да обезбедиме најдобро корисничко искуство. Уште повеќе, иновациите и мошне конкурентните понуди ќе бидат наш фокус и во 2013 година за да продолжиме да го исполнуваме нашето ветување “Повеќе за вас”, изјави Цидек.