Вистината за ерменскиот геноцид, кој ги скара Папата со Турција

Добивај вести на Viber

„Минатиот век нашето семејство доживеа три масовни и невидени трагедии. Првата, која широко се прифаќа како првиот геноцид на дваесеттиот век, која го порази ерменскиот народ“.

Тоа се зборовите на папата на Римокатоличката црква Францис, со кои тој ја налути Турција, но и категорично призна за масовното убиство на Ерменците од 1915 година и го прогласи за геноцид. Потврда, што веќе ја имаат направено 22 земји во светот, но Турција продолжува да ја негира.

Зборовите на папата биле искажани за време на специјалната верска служба во базиликата „Свети Петар“. Литургијата беше отслужена заедно со ерменскиот патријарх Нерсес Бедрос XIX Бутрос Тармуни и на неа присуствувал и претседателот на Ерменија Серж Саркисјан.

„Ерменскиот геноцид, тоа е бескрајно безумно дело што е потребно да се запомни, бидејќи таму каде што нема меморија, злото не дозволува раната да зарасне. Да се молчи за злосторство, значи да се овозможи уште повеќе крв да потече од раната“, додал папата во својот говор.

Реакцијата на Турција против овие зборови беше инстант. Турција го повлече нивниот претставник на Ватикан во Анкара за објаснувањата во врска со дефиницијата „геноцид“.

Турскиот министер за надворешни работи Мевлут Чавусоглу го опиша како „неоснован“ и „далеку од историската реалност“ употребата на овој збор за масакрот на Ерменците во Отоманската империја пред 100 години. Фактите сепак зборуваат сосема друго, раскажуваат историчари пред за весникот „168 часа“.

„Настаните почнуваат во 1915 година, кога Турција е силно притисната од офанзивата на Русија - раскажува проф. Пламен Цветков. На Ерменците, како христијани, гледале како на потенцијална 5-та колона на Русија. Ова е една од причините за геноцидот. Првата светска војна е настанот што дава почеток на овие злосторства не само во Турција.