ВКУПНО 17 ЛИЦА ЗАТРУЕНИ ВО ШТИПСКАТА СЕНДВИЧАРА - открена Салмонела, испитувањата се уште траат

Добивај вести на Viber

Се зголемува бројот на деца и вработени од штипско средно училиште, кои имаат симптоми на труење по јадење на сендвичи во блиската сендвичарница.

Епидемилиогот, Светлана Живкова изјави дека до денеска биле регистрирано вкупно 17 лица со симптоми на труење, со што бројката од вчера е зголемена за дополнителни двајца ученици и вработени во штипското училиште.

- До сега се регистрирани 17 случаи, кај дел од нив од измет е изолирана „Salmonella enteritidis“. Земени се 35 примероци од храна, вработени и работни површини и се пратени во лабараторија на Институтот за јавно здравје во Скопје, вели Живкова.

Таа додава дека резултатите од земените примероци се уште се чекаат.

Претходно беше објавена веста дека сендвичарата е затворена и земени се примероци од храната и работните површини и извршен е и санитарен преглед на сите вработени, како и нивна едукација. 

Мајка на дете кое заврши на Инфективното одделение во Клиничка болница-Штип изјави дека симптомите на труење нејзиното дете ги има добиено по консумирање на сендвич со пилешки стек и пржени компири.

ПО ДОБИЕНА ПРИЈАВА: АХВ затвори сендвичара во Штип, можно е труење со храна

СЕ ЗГОЛЕМУВА БРОЈКАТА: Уште десетмина во Штип пројавиле симптоми на труење, јаделе од сендвичарата која АХВ привремено ја затвори