Владата бара извинување, по информациите дека министри се вакцинирале во странство

Добивај вести на Viber

Владата ги демантира тврдењата во изминатиот период дека нејзини членови се вакцинирале против Ковид-19 во странстви, односно во Дубаи, Србија и Албанија, означувајќи ги како лажни.

-Владата најостро ги демантира лажните наводи и тврдења во текстовите за наводно вакцинирање функционери.Категорично тврдиме дека министри и владини функционери не се вакцинирале преку ред како што дезинформираа неколку портали.Изнесените наводи во овој текст се лажни и единствено имаат за цел да го нарушат угледот и достоинството на министрите и носителите на јавни функции на Владата.Категорично демантираме и бараме медиумите со такви текстови да го објават овој демант, со извинување до Владата, како и целосно повлекување на споменатиот текст, а доколку истото не се случи, ќе ги преземеме сите правни и судски мерки, пишува на официјалниот Твитер профил на портпаролот на Владата на РСМ.

Ваквата реакција следи по непотврдените информации дека во странство се вакцинирале Љупчо Николовски, Назим Буши, Артан Груби и Драги Рашковски, додека премиерот Зоран Заев и министерката за одбрана Радмила Шекеринска примиле преку ред од десетината илјади дози кои засега се пристигнати во Македонија.

ВМРО-ДПМНЕ веќе најави дека ќе побара декласифицирање на информациите преку Собранието за да се види дали членови на Владата ја примиле вакцината.