Владата донесе одлука за формирање на Центар за култура „Десет дена Крушевска Република“ и Национална установа Манифестација „Денови на Смилевскиот конгрес“
Објавено во: Македонија 01 Август, 2023 16:10
На 176-та владина седница е донесена одлука за формирање Национална установа Центар за култура „Десет дена Крушевска Република“ и одлука за формирање Национална установа Манифестација „Денови на Смилевскиот конгрес“.
Владата на денешната седница, на предлог на Министерството за култура, донесе одлуки за формирање две национални установи поврзани со афирмација на настани и личности значајни за илинденскиот период и за македонската државност.
„Владата ја разгледа Информацијата за потребата од основање нова Национална установа Центар за култура „Десет дена Крушевска Република“ – Крушево и донесе ваква Одлука. Со основањето на оваа национална установа, се очекува поттикнување на творештвото на современиците инспирирано од Илинден и борбата на македонскиот народ за национално ослободување и за афирмација на Република Северна Македонија. Национална установа Центар за култура „Десет дена Крушевска Република“ – Крушево, ќе биде сместена во објектот на Националната установа Историски Музеј – Крушево, што е во сопственост на Република Северна Македонија. Владата ја разгледа и Информација за потребата од основање нова Национална установа, Манифестација „Денови на Смилевскиот конгрес“ – Смилево, Демир Хисар и донесе ваква Одлука. Националната установа Манифестација „Денови на Смилевскиот конгрес“ – Смилево, Демир Хисар, како што е посочено во Информацијата, ќе ги одбележува деновите на Смилевскиот Конгрес, како историски настан од значење за македонскиот народ и за спомените за Даме Груев. А ќе биде сместена во објект во село Смилево, што е во сопственост на Република Северна Македонија, односно во некогашната куќа на револуционерот Даме Груев“, соопштија од Владата.
Смилевскиот конгрес е одржан од 2 до 7 мај 1903 година во село Смилево, Демир Хисар. Овој Конгрес според одлуките што ги донел, претставува една од значајните етапи во подготовките на Илинденското востание. Со тоа, Смилевскиот Конгрес е настан длабоко врежан во свеста на македонскиот народ, што трајно ја определил неговата иднина. Спомените за ликот и делото на Даме Груев, како и други историски личности и настани, се постојан потсетник за поставувањето на темелите на македонската државност.
Можеби ќе ве интересира
Коњановски: Човек сум и јас можам да погрешам, а за сообраќајниот прекршок си платив
Обвинителен предлог за напаѓачот на Арсовска, за второосомничениот нема да продолжи гонењето
ПРОДОЛЖЕН ПРИТВОРОТ ЗА ОБВИНЕТИТЕ ЗА ПОЖАРОТ ВО КОЧАНИ - обвинителниот акт доставен до адвокатите
На огласот за 400 пожарникари не се пријавиле ниту толку кандидати
ВЛАДАТАТА ЗА ПИСМОТО НА РОДИТЕЛИТЕ НА ЗАГИНАТИТЕ ВО КОЧАНИ: „Сведување на дискусијата на „здраво како сте“ и „колку чини“ е навредливо
КОНЕЧНО ПРИСТИГНУВААТ УЧЕБНИЦИТЕ ПО СТРАНСКИ ЈАЗИЦИ: Нема веќе учење од тетратки
Првата антикорупционерка доби обвинителен предлог за „Адитив“, друго лице полагало безбедносен тест во нејзино име
ТЕШКА СООБРАЌАЈКА НА ВЛЕЗОТ ВО СКОПЈЕ - едно лице пренесено на клиниките „Мајка Тереза“
