Владата ќе достави предлог до Пендаровски за вонредна состојба
Објавено во: Македонија, Корона Вирус 15 Јуни, 2020
Владата ќе достави предлог до претседателот Стево Пендаровски за утврдување вонредна состојба.
Ваква одлука е донесена денеска на 67-та седница.
Донесен е заклучок Владата да поднесе предлог до претседателот на државата Стево Пендаровски, врз основа на членот 125 од Уставот да утврди постоење на вонредна состојба за период од 8 дена, почнувајќи од денеска, 15 јуни, до 22 јуни.
Предлогот се поднесува заради спроведување на предвремени избори за пратеници во Собранието со мерки за заштита на јавното здравје во услови на пандемија прогласена од Светската здравствена организација што ја зафати и нашата држава.