Добивај вести на Viber
На партиска трибина, Министерот за транспорт и врски Миле Јанакиески посочи дека Битола ќе биде вметната во првата фаза од гасификацијата на Македонија.
-Гасификационата мрежа од ТЕЦ “Неготино”, преку Кавадарци, Прилеп и Битола се внесени во првата фаза. Најнапред гасификационата мрежа од Кумановско, се до ТЕЦ “Неготино” ќе се изгради со средства од Клириншкиот долг во соработка со Руската федерација. Воедно веќе се отпочнати преговори со Европската банка за обнова и развој да ја финансира првата фаза од ТЕЦ „Неготино“ до РЕК „Битола“, инвестиција вредна 133 милиони евра, рече Јанакиески.
Според очекувањата на Министерот веќе следната година би требало да бидат обезбедни средства и проектот да започне со изградба.