Владата објави нов оглас за вработување на 99 директори на централно и локално ниво

Добивај вести на Viber

Нов јавен повик денеска објави Владата на Република Македонија за вработување на лица за пополнување на 99 раководни места на централно и локално ниво . Огласот ќе трае до 5 јули и на него ќе можат да се пријават сите граѓани кои сметаат дека ги исполнуваат условите во јавниот повик и дека можат да придонесат за исполнување на зацртаните реформи. Со овој оглас ќе се пополнуваат местата каде што има вршители на должност или каде мандатот завршува до крајот на годинава. Потребните позициите за кој се распишува огласот се за: директори на ЈП за патишта, на Државнот инспекторат за урбанизам и градежништво, потоа се бара член на управен одбор и извршен директор на М-НАФ, исто така се бараат и лица за раководни места во МЕПСО и повеќе економски и медицински директори на јавните здравствени установи. Александар Ѓоргиев, портпаролот на Владата вели дека првпат се нудат места за подрачните единици со што се смета дека на огласите ќе можат да се јават лица кои живеат во тие региони и кои сметаaт дека може да придонесат за развој на локалната самоуправа. Она што е новина во овој јавен повик е поставување на лица на раководни функции и на подрачно ниво. На овој начин им се остава простор на лицата да аплицират и за раководни функции од вториот и третиот ешалон.