16 Декември, 2019
0.0153

Владата се откажува од данокот на најголемиот должник во државата

Објавено во: Економија 08 Ноември, 2019


Има ли оправдување на одлуката на Владата да и го „прости“ даночниот долг на ТЕ-ТО и на таков начин да и помогне да остане да произведува и да работи и покрај тоа што станува збор за фирма која е под истрага за перење пари. Надлежните институции во следниот период ќе треба да ги оценуваат постапките со кои самата Влада толерира должник кој е под сомнение дека предизвикал лажен стечај, но дотогаш ТЕ-ТО нема да треба да ги плати тие 16 милиони евра кои сега и ги должи на Управата за јавни приходи. Од Владата за Фактор велат дека формата на државна помош која и е доделена на ТЕ-ТО, а за која веќе пишувавме е одложување на даночниот долг на фирмата кој УЈП. Во моментов и Обвинителството за организиран криминал и корупција води истрага за предметот и е пред носење обвинителска одлука.

„Согласно Законот за државна помош Владата донесе одлука за одложување на плаќањето на даночниот долг. Станува збор за единствен објект кој произведува електрична енергија од природен гас, не влијае на загадувањето, допринесува за поголем БДП на државата како и за подобрување на енергетската сигурност. Во интерес на државата е објектот да работи без запирање, велат од Владата за Фактор.

Одлуката е донесена на 160 владина седница, а примерок од склучениот Договор меѓу Владата на Република Северна Македонија и Друштво за производство на електрична и топлинска енергија ТЕ-ТО АД Скопје, во рок од 8 дена ќе се достави до Министерство за финансии и Управата за јавни приходи.

Од Владата објаснуваат дека и укажале на Комисијата за заштита на конкуренцијата да постапи по Законот за контрола на државната помош и во рок од 30 дена, до Владата да достави соодветна предлог-уредба.

Фактор се обиде да стапи во контакт со Арафат Муареми, директор на Управата за финансиска полиција кој во јуни година поднесе пријави до директорот, нотар и стечаен судија за случајот ТЕ-ТО за лажен стечај и перење пари, но не го добивме. 

Пријавите се за сомнеж за лажен стечај, злупотреба на службена положба и овластување но и перење пари во Македонија од трансакции за кои во Русија се водат истраги за криминал. Сомнежите се дека станува збор за испрани над седум милијарди денари или над 100 милиони евра. Финансиската полиција потврди дека на ваков начин на Топлификација и е нанесена штета од над 720 милиони денари, а првичните реакции од Топлификација, акционер во ТЕ-ТО, сега се дека Владата е селективна. Се соменваат дека доделувањето ваква државна помош има основи за нови тужби.

Инаку ТЕ-ТО е најголем должник моментно во државата и на УЈП и должи 16 милиони евра. Во текот на планот за реорганизација по стечајот, компанијата избриша 150 милиони евра од побарувањата на доверители кои после беа впишани како добивка. Така компанијата и покрај тоа што беше во стечај, оствари добивка, сега данокот на добивката не го плати, а државата и го одложува во време кога Обвинителството за организиран криминал и корупција води истрага и е пред подигнување на обвинение.

А.Т.


Можеби ќе ве интересира

Се што треба да знаете за наградната игра „Мој ДДВ #MojaНаграда“

Се што треба да знаете за наградната игра „Мој ДДВ #MojaНаграда“

Кој заработува повеќе: нотари versus извршители?

Кој заработува повеќе: нотари versus извршители?

Меркел со повик до Балканците да живеат и работат во Германија: што носи новиот закон?

Меркел со повик до Балканците да живеат и работат во Германија: што носи новиот закон?

Меркел е загрижена затоа што германските компании немаат квалификувани работници

Меркел е загрижена затоа што германските компании немаат квалификувани работници

Министерство за финансии: Од денес започнува наградната игра „Мој ДДВ #MojaНаграда“

Министерство за финансии: Од денес започнува наградната игра „Мој ДДВ #MojaНаграда“

Лукаревска: До крајот на месецот граѓаните кои скенирале фискални сметки ќе добијат поврат на ДДВ

Лукаревска: До крајот на месецот граѓаните кои скенирале фискални сметки ќе добијат поврат на ДДВ

ПЛАТИ ВО ГЕРМАНИЈА: Лекарите заработуваат скоро пет пати повеќе од фризерите

ПЛАТИ ВО ГЕРМАНИЈА: Лекарите заработуваат скоро пет пати повеќе од фризерите

MИНИСТЕРСТВО ЗА ФИНАНСИИ: Кредитната агенција „Фич“ го потврди кредитниот рејтинг на земјава на ББ+ стабилен

MИНИСТЕРСТВО ЗА ФИНАНСИИ: Кредитната агенција „Фич“ го потврди кредитниот рејтинг на земјава на ББ+ стабилен

ВАКВО НЕШТО НЕМАЛО ОД 90-ТЕ: Политички настан доведе до скок на фунтата

ВАКВО НЕШТО НЕМАЛО ОД 90-ТЕ: Политички настан доведе до скок на фунтата