ВЛАДАТА СО КАМПАЊА ЌЕ ГИ ПОТТИКНУВА ГРАЃАНИТЕ ДА СЕ ВАКЦИНИРААТ: Голем дел од популацијата над 60 не се вакцирани, кажа Филипче

Добивај вести на Viber

Министерот за здравство Венко Филипче истакна дека нема да останат неискористени вакцините од АстраЗенека кои треба неделава да пристигнат како донации од Грција и од Бугарија, а вкупно на број се 70.000, бидејќи како што нагласи, голем дел од граѓаните над 60 години не се вакцинирани. Очекува со кампањата за вакцинација против Ковид-19 да се зголеми интересот.

-Имаме 42 проценти од вкупната популација над 65 години пријавени и вакцинирани, но со кампањата, очекувам поголем број на пријавени. Препораките и ставовите не ги креираме според тоа кој како ќе се вакцинира според расположливоста на вакцините, туку според стручни препораки, нагласи министерот  Филипче.

Тој истовремено информираше дека се уште не се знае точниот датум кога ќе пристигнат вакцините од Русија и од Кина, о0дносно „Спутник“ и „Синовак“, но рече дека во текот на вчерашниот ден разговарал со рускиот амбасадор.

-Амбасадорот треба да искомуницира со Институтот од Москва и да даде повратна информација во однос на испораката на вакцините. „Синовак“, пак според најавите треба да пристигнат во почетокот на јуни, односно во првите десет дена од јуни, рече Филипче.