Влезот на Финска во НАТО ќе создаде главоболки за Путин, но и за секој иден руски лидер

Добивај вести на Viber

За Русија не е сеедно тоа што Финска ќе биде дел од НАТО. Воениот и безбедносен аналитичар Мајкл Кларк изјави дека рускиот претседател Владимир Путин само се преправа дека не се грижи за вестите за влез на Финска во НАТО, а всушност „многу се грижи“. Објаснува дека ова ќе биде главоболка и за секој иден руски лидер. 

Кларк додава дека една од причините за загриженоста на Путин е фактот што Русија ќе има 1.300 километри подолга граница со НАТО. Вели дека Русите немаат војници за да ја покријат оваа граница, затоа што нивните сили се во Украина. 

„Има мала армија, но кога се мобилизира, има армија од над 200.000 војници, што е трипати поголема од британската армија. Значи, има голема копнена армија и е обучена, добро е опремена“, заклучи тој.

Експерот наведува дека во воена смисла Финска е многу важна. 

Финска и Шведска побараа влез во НАТО лани, по рускиот напад на Украина, а Финска утре ќе стане 31-ва членка на Алијансата.

Рускиот министер за надворешни работи Сергеј Шојгу лани изјави дека Русија ќе преземе „соодветни контрамерки“ и ќе формира 12 единици и дивизии во Западниот воен округ.