ВМРО-ДПМНЕ бара притвор за Јанева за да не уништува докази

Добивај вести на Viber

Oд ВМРО ДПМНЕ бараат притвор за специјалната јавна обвинителка која си понесе оставка, Катица Јанева.

Опозициската партија побара притвор за Јанева за да не може да уништува докази и да влијае на сведоци и јавно постави прашање дали е точно дека Зоран Милески Кичеец бил заштитен сведок во случајот Империја?

Потребна е истрага за `се што е работено во СЈО, додаваат од ВМРО ДПМНЕ.

Според генералниот секретар на партијата, Игор Јанушев, без Јанева не постои случајот „Рекет“.

Таа е главниот дел од сложувалката за разоткривање на целата рекетарска мрежа што води до врвот на власта – до Заев, сметаат од партијата. 

„За два дена истекува 30 дневниот притвор кој судот им го изрече на Боки Тредичи и неговиот партнер Зоран Милески Кичеец, а обвинителството и Зоран Заев се обидуваат да ја лажат домашна и меѓународна јавност дека тие двајцата се сами во целата политичко-обвинителска рекетарска афера“, обвини денеска Јанушев, по обраќањето на претседателот на државата, Стево Пендаровски, во врска со случајот „Рекет“.

Се сомневаат дека, откако е очигледна директната вмешаност на Катица Јанева,  власта ќе се обиде да ја претстави како жртвено јагне.