ВМРО-ДПМНЕ: Jавниот линч е најдобар доказ дека предметот е политички монтиран
Објавено во: Македонија 12 Ноември, 2018
Медиумските загари на аболицираниот Зоран Заев имаат зелено светло за линч на секој што не се согласува со неговата капитулантска и антимакедонска политика, обвинија од ВМРО-ДПМНЕ.
Велат дека ваква злоупотреба на институциите и медиумите не е видена во ниту една европска држава.
„Ваквиот јавен линч е најдобар доказ дека предметот е политички монтиран со една единствена цел, а тоа е отстранување на Никола Груевски од јавниот живот и заплашување на сите кои би помислиле да се спротистават на криминалниот картел. Доколку Секторот за внатрешна контрола при МВР и Народниот правобранител не утврдат кој е режисерот на оваа медиумска хајка и кој ги повикал новинарите, односно им дал информации кога ќе биде упатен тим од потраги во неговиот дом, ќе значи потврда дека станува збор за нарачка токму од аболицираниот Заев“, додаваат од партијата.
Според нив, ваквото „Кацарска судство” во спрега со полицијата и медиумите е најдобар доказ дека во Македонија се сведоци на политички прогон и за овој скандал ВМРО ДПМНЕ ќе ги информира своите меѓународни партнери.