ВМРО-ДПМНЕ на митинзи во две скопски општини, СДСМ во Дебар, Струга, Охрид

Добивај вести на Viber

Коалицијата „За подобра Македонија“ предводена од ВМРО­-ДПМНЕ, денеска ќе одржи митинзи во  општините Кисела Вода и во Центар.

Kоалицијата „За живот во Македонија“ предводена од СДСМ ќе има митинзи во Дебар, Струга и  Охрид.

Коалицијата „ВМРО за Македонија“ денеска во 12 часот во Скопје во штабот на ВМРО-НП ќе одржи прес-конференција. „ВМРО за Македонија“ се очекува да одржи средби со граѓани на општините Пробиштип и Кочани. На средбите свое обраќање ќе имаат Љубчо Георгиевски, Љубе Бошковски и Стојанче Ангелов.

„Коалицијата за промени и правда“ предводена од  Демократски сојуз, ќе се сретне  со граѓаните на Маџир маало и други населби во општина Центар. Носителите на листите од 6-те изборни единици (Павле Трајанов, Јове Кекеновски, Весна Стоименовска, Слободан Богоески, Александар Делов и Бранко Мајсторовски), ќе одржат прес-конференција пред Олимписки базен во општина Центар.

Носителот на кандидатската листа на „Левица“ во изборна единица 4, Митко Николов ќе има средба со граѓани во Прилеп на плоштадот. „Левица“ денеска пред Комората на извршителите на РМ, на булевар „Илинденска“ (во близина на Владата на РМ) ќе одржи конференција за медиумите за да ги актуелизира темите од нејзината програма од секторот „Правосудство“, насочени кон регулација на македонското извршно право, кое е едно од најстрогите во Европа.

Коалицијата „Алијанса за Албанците“ денеска е во Куманово.

Лидерот на ДУИ, Али Ахмети денеска ќе има средби со граѓани во општина Сарај каде ќе се одржи и централен собир.