ВМРО-ДПМНЕ не дојде да се смири со СДСМ
Објавено во: Македонија 06 Ноември, 2018
Пратениците на ВМРО-ДПМНЕ не дојдоа на координацијата кај претседателот на Собранието, Талат Џафери.
На дневен ред единствена точка е формирањето интерпартиско парламентарно тело за помирување и интеграција, на барање на новата пратеничка група независна од ВМРО-ДПМНЕ и коалицијата.
Присутни се дел од пратениците на новата пратеничка група, освен тројцата обвинети за 27 април. На средбата учествуваат координаторите на пратеничките групи на СДСМ, ДУИ, претставници на Беса, Алијанса за Албанците и независниот пратеник Панчо Минов.
Формирањето на телото за помирување беше еден од условите на осумте опозициски пратеници да гласаат за отворање на Уставот.
Од опозициската ВМРО-ДПМНЕ го повторија ставот дека нема да учествуваат во работата на ова тело бидејжи бараат целосна амнестија за 27 април.