ВМРО-ДПМНЕ обвинува дека има заболени од антракс, а власта крие
Објавено во: Македонија 11 Август, 2019
Oд ВМРО-ДПМНЕ тврдат дека 30 вработени на Факултетот за ветеринарна медицина, завршиле на Инфективна клиника, по контактот со заразена овца од антракс.
Ги обвинија властите дека извесен период се обидуваат да го скрие присуството на болеста во делови од државата.
„Зошто две недели се молчи? Преземени ли се сите неопходни мерки за заштита на луѓето? Дали е пуштено во промет месо од животни заболени од антракс? Власта мора да одговори. Граѓаните заслужуваат одговори“, реагираат од ВМРО-ДПМНЕ.
Велат дека наместо на скапи ручеци и на менување закони по диктат на премиерот Зоран Заев, министерот Трајан Димковски и неговиот кабинет да се насочат кон граѓаните.