ВМРО ДПМНЕ обвинува дека СДСМ се трансформирала од партија во мафија, СДСМ бара мирно предавање на власта
Објавено во: Македонија 07 Април, 2017 10:40
Не запираат партиските преписки меѓу двете опонентски партии ВМРО ДПМНЕ и СДСМ.
Наместо реално решение за кризата која ја чуствуваат сите граѓани , партиите се обвинуваат со најгрди зборови.
Партијата на екс премиерот во денешното сопштение ја обвинува СДСМ дека се трансформирала од партија во мафија.
„Ветуваа двојазичност, дебати за химната, грбот и знамето. Ветуваа промена на банкнотите, двојазични униформи и федерализација. Ветуваа државни функции и со молчење ги одобруваа сите навреди и негирања на македонскиот идентитет. Ветуваа и нудеа се она за кое што се бореа и гинеа генерации Македонци само за да дојдат на власт и да се спасат од издржување на долги затворски казни.
Ветуваа, но не им помина. Македонскиот народ ги прочита и им застана на пат. Македонскиот народ им порача дека не прифаќа ниту Тиранска Платформа, ниту Тиранска Влада“, стои во соопштението на ВМРО ДПМНЕ.
Од СДСМ пак велат дека одлуката на граѓаните нема да ја спречи ВМРО ДПМНЕ.
Од партијата на Заев велат дека демократските процеси ќе продолжат и мора да се овозможи мирен трансфер на власта според мнозинската волја на граѓаните.
Спречувањето на мнозинската волја оди на штета на сите граѓани, на штета на државата и институциите. ВМРО-ДПМНЕ не смее да ја држи државата во заложништво само за да спаси неколку криминалци.
Ниедна закана, или насилна реторика, или провокација, од страна на Никола Груевски ВМРО-ДПМНЕ тоа нема да го спречи“,соопштуваат пак од Бихаќка.
Можеби ќе ве интересира
НА 43 ГОДИШНА ВОЗРАСТ ПОЧИНА ИВАН ИЛИЕВ, ЕДЕН ОД НАЈНЕОБИЧНИТЕ МАКЕДОНСКИ ФОТОГРАФИ - во последните години живеел во Сан Франциско
„ВИЕ НЕ ПОНУДИВТЕ МОТИВ ЗОШТО Е СТОРЕНО ДЕЛОТО, АЛЕКСАНДАР ГО ИМА НАЈСКАПИОТ ИМОТ“ - Палчо тврди дека обвинението против него е недокажано и нелогично
ОБВИНИТЕЛИТЕ ГИ ПОВИКУВААТ НА СРЕДБА СЕМЕЈСТВАТА НА ЖРТВИТЕ ОД КОЧАНИ - ќе можат да се запознаат со сите аспекти на истражната постапка
Скопски таксист седеше на возилото за да го одбрани од пајак
Ивановска ја повика Димитровска да си поднесе оставка како претседателка на ДКСК
„ОВА Е КЛУЧЕН МОМЕНТ НЕ САМО ЗА УСТАВНИОТ СУД, ТУКУ И ЗА ВАШИТЕ КОЛЕГИ НАСЕКАДЕ ВО СУДСТВОТО“: амбасадорката Агелер со јасна порака
„НОВА ПРОЦЕДУРА ЗА ИЗБОР НА НАДВОРЕШНИ ЕКСПЕРТИ“: Националната агенција за европски образовни програми со мерки против корупцијата
КЛАСИЧНА ЗЛОУПОТРЕБА, ГИ СЛИКАТЕ ОСОМНИЧЕНИТЕ И ПРАЌАТЕ ПО МЕДИУМИ: Палевски вели не бегал откако дознал дека е осомничен
СДСМ објави видео: Брат на градоначалникот на Гази Баба дивее со „мини купер“, полицијата не го казнува
