ВМРО-ДПМНЕ признава дека е можно новата Влада да ја формира СДСМ?

Добивај вести на Viber

Екс премиерот Никола Груевски денеска оставрил средба со турската амбасадорка во земјава Еркал Кара, на која се разговарало и за политичката ситуација.

Од партијата на ВМРО-ДПМНЕ преку соопштение до јавноста посочуваат дека амбасадорката истакнала дека се зборува за можноста за коалицирање на СДСМ со другите партии, на што од партијата и било посочено дека сè е можно, но дека тоа ќе значи трајно напуштање на воспоставениот принцип – победникот кај Македонците да коалицира со победникот кај албанските партии и гласачи.

Од соопштението станува јасно дека ВМРО-ДПМНЕ претендира нови предвремени избори кои според нив  ќе дадаат соодветен резултат за надминување на постојната состојба на што Груевскил посочи дека на нив гледа како шанса за држвата, во спротивно алтернативата е континуирано кризирање.

„Подобро е да ја добиеме можноста и шансата, отколку да кризираме во континуитет беше одговорот на ВМРО-ДПМНЕ. Подобро да се потрошат нови два месеци за нови избори, отколку нови шест месеци, или година заглавени во политичка криза“, рекол  Груевски.