ВМРО-ДПМНЕ се собира во седиштето, има повеќе причини за тоа
Објавено во: Македонија 10 Ноември, 2018
Раководството на ВМРО-ДПМНЕ вечерва се собира во седиштето во палатата „Христо Татарчев“, а на агендата на Централниот комитет се неколку релевантни причини за тоа.
Актуелната политичка состојба во земјава, затворската казна за поранешниот премиер Никола Груевски и неодамнешната посета во Хелсинки на конгресот на ЕПП, каде што беше поканета паралелна делегација, се теми на вечерашниот Централен комитет на партијата.
Пред седиштето на партијата кратка изјава даде актерот Тони Михајловски кој е член на ИК на партијата.
- Повеќе од полтички прогон, нема да застане тука. Ќе продолжи кон сите членови на сегашното и поранешното раководство на партијата. Опозицијата ќе ги превземе сите правни и човечки мерки што и се на располагање и ќе се обрати кон соодветните институции за правда во Македонија, иако не функционираат како што треба - рече Михајловски.