ВМРО ДПМНЕ смета дека Заев со гасификацијата ќе ги дере Струмичани!

Добивај вести на Viber

Струмица влезе во гасификација, почнаа партиските препукувања. Од ВМРО ДПМНЕ велат дека Општина Струмица на секое струмичко семејство ќе му наплаќа по 700 евра за приклуок на гасоводната мрежа. „ Јасно е дека СДСМ и Зоран Заев сеат магла на струмичани со проектот за гасификација. Струмичани прескапо ќе го платат гасот, односно она што само фирмите на Заев ќе го добијат“, реагираат од ВМРО – ДПМНЕ на соопштението на градоначалникот на Струмица Зоран Заев. “Додека кланот Заеви прави милиони добивајќи бизниси од општина Струмица, струмичани треба да платат по 700 евра за приклучок кон гасоводната мрежа. Замислете колку многу пари се 700 евра за едно просечно домаќинство. Тоа е доказ дека проектот е прескап и недомаќински направен. Заев со тоа сака товарот за финансирање на гасификацијата единствено да им го препушти на граѓаните, а корист да почуствуваат само неговите фирми. Каков бенефит има едно просечно семејство кога треба да одвои повеќе просечни плати за да добие гас“, велат од ВМРО – ДПМНЕ. Инаку, како што утрото објави Фактор природниот гас во Струмица ќе се транспортира со автоцистерни, засега од Бугарија. Крајната дестинација е терминалот во Стумица, од каде преку дистрибутивна гасна мрежа, досега изградени 13км и 820м, тие се практично прстен околу Струмица и засега се наменети за јавните општински институции. (школи, градинки и сл). Во моментот во тек е изградба на нови 7км на дистрибутивна гасна мрежа која треба да овозможи  снабдување на домаќинства и комерцијални објекти. Првата куќа според најавите која ќе ги почуствува благодетите на природниот гас се очекува да биде приклучена кон крајот на ноември или почетокот на декември. Инаку, веќе од 26 октомври природен гас во Струмица користат 14 јавни институции, интерес покажуваат и институциите кои се под целосна државна сопственост.