ВМРО-ДПМНЕ: Таравари и директорката на Гинекологија го сокрија скандалот
Објавено во: Македонија 24 Август, 2017
Од ВМРО-ДПМНЕ обвинија дека министерот за здравство, Арбен Таравари и директорката на Гинекологија го сокрија скандалот и објавија за трагедијата откако за неа проговори јавноста.
Ние предупредувавме дека СДС прави брутална партизација на институциите и поставува некомпентентни кадри, вели Марија Андоновска од ВМРО-ДПМНЕ.
Таа вели дека залудно Таравари и директорката Јовановска се кријат од јавноста. Според неа, јавноста е гневна затоа што гледа дека приоритет за министерот Таравари е да се промовира себе си по социјални мрежи, наместо да се грижи за функционирањето на здравствениот систем.
„ВМРО-ДПМНЕ предупредуваше дека СДС со брутална партизација на институциите и со поставувањето на некомпетентни партиски кадри државата ја турка во хаос. ВМРО-ДПМНЕ предупредуваше дека именувањето на Викторија Јовановска за директор на Гинекологија само поради тоа што била блиска другарка на сопругата на Зоран Заев, Зорица Заева ќе има сериозни последици“– рече Андоновска.
Граѓаните се преплашени, загрижени, стравуваат за своите животи и за животите на своите деца, велат од партијата.
Деновиве на скопска гинекологија починала тројка родена во 27-та недела.