ВМРО-ДПМНЕ: Видеото покажува дека Катица Јанева е институционалниот извршител на милионскиот „Рекет“
Објавено во: Македонија 08 Август, 2019
Објавената видео снимка на италијанскиот весник „Ла Верита“и зборовите кои ги
употребува Боки 13 во видеото за чекорите кои ќе ги превзема СЈО за случајот „Империја“,
покажува дека Катица Јанева е институционалниот извршител на милионскиот „Рекет“,
истакна на денешната прес-конференција
Игор Јанушев, секретар на ВМРО-ДПМНЕ.
Тој исто така, побара и одговорност од извршителите и нарачателите, но побара одговорност и од обвинителката Вилма Русковска, зошто не одлучила да покрене истрага за Јанева, Кики и Фрики.
Според него, е невозможно целата јавност и медиумите да зборуваат за улогата на Кики и Фрики, да знаат за „Рекет“ и за исчезнувањето на суштинските докази од предметот, а Вилма Русковска да не знае ништо.
Јанушев побара итна оставка на Владата и итни предвремени парламентарни избори.