ВМРО-ДПМНЕ: Заев е тој што се плаши од затвор

Добивај вести на Viber

ВМРО-ДПМНЕ возврати на обвинувањата на СДСМ кои сметаат дека Груевски настапувал против Албанците и ДУИ за сега да се моли за поддршка од Ахмети за составување на нова влада со која сака да избега од одговорноста. Од партијата на Груевски сметаат дека токму аболицираниот Заев е тој што се плаши дека ќе одговара за своите криминали.

- Граѓаните ги прочитаа неговите манипулации и ја испратија најсилната порака дека не поддржуваат криминогени ликови кои се кријат зад политичката функција. Сега клептоманот Зоран Заев е во паника. Аболицираниот криминалец е исплашен дека ќе одговара за криминалот и дека ќе лежи во затвор за барањето поткуп, за тендерите, за кражбите и за велепредавството. Ова се последните очајнички обиди на Зоран Заев да ја продолжи кризата и да остане на слобода.

Според ВМРО-ДПМНЕ токму Заев е политичар кој е подготвен на секакви компромиси.

Затоа аболицираниот Зоран Заев лаже. Затоа аболицираниот Зоран Заев е подготвен на секакви отстапки и ветува се и сешто. Човекот кој јавно кажа дека им барал мито на сите бизнисмени во Струмица кои барале услуги од општината, што по закон им следуваат, сега е во паника и подготвен е да стори се за да одбегне враќање таму од каде што Бранко Црвенковски го извлече со аболицијата, за која не побара поништување, велат од ВМРО-ДПМНЕ.