ВМРО возврати: СЈО и СДСМ се исти, правен срам за државата
Објавено во: Македонија 29 Септември, 2016
ВМРО-ДПМНЕ возврати со жестоки навреди против Специјалното јавно обвинителство откако произлезе информација дека кривично треба да одговораат и политичките партии и ги поистоветија со СДСМ како еден ист субјект подредени на расипаните желби на аболицираниот Зоран Заев.
„Танцот што го играат аболицираниот Зоран Заев и некомпетентната Катица Јанева пред целокупната јавност е тешко понижување за правната фела и за сите граѓани на Република Македонија. Конструкциите што ги смислува и нарачува аболицираниот криминалец не минуваат. Паниката дека „чаушите“ од врвот на СДСМ во соработка со СЈО не можат веќе со лаги да ја изманипулираат јавноста е сѐ поголема. Доказ за тоа е и денешното соопштение на СДСМ нарачано од аболицираниот криминалец Зоран Заев кое го договорил заедно со Катица Јанева уште пред да тргне во реализација на неговите идеи. Аболицираниот криминалец Зоран Заев со Катица Јанева го склопиле партиското соопштение на СДСМ без да проверат дали ВМРО-ДПМНЕ воопшто реагирало на политичката прес конференција на СЈО. Ова е дното и калта во која што секој ден тонат аболицираниот криминалец Зоран Заев и неговата партнерка Катица Јанева“, соопшти ВМРО-ДПМНЕ.
Претходно СДСМ упати критики за огромниот имот кој наводно го поседува владејачката партија.
„Со 60 милиони евра приграбени пари од џебот на граѓаните на Македонија обвинетиот Груевски и неговата партија на власт ВМРО-ДПМНЕ купила партиски имот распространет на 33.000 метри квадратни. ВМРО-ДПМНЕ треба да им објасни на граѓаните на кој начин стекна имот вреден 60 милиони евра. Доколку се утврди дека овој имот е стекнат на криминален начин, тој ќе биде конфискуван и вратен на граѓаните“ посочија од СДСМ.
Можеби ќе ве интересира
„КАКО ДА ГО ЧУВАМ ДЕТЕТО КОЕ СЕ ОПОРАВУВА И ДА ГИ ЛЕЧАМ РАНИТЕ ОД КУЧИЊАТА, БЕЗ ФИНАНСИИ“ - потресна приказна на граѓанка од Скопје
„ДВЕ ЛИЦА БЛИСКИ И ПОД КОМАНДА НА КИЧЕЕЦ МИ СЕ ЗАКАНУВААТ“ - Боки 13 вели дека нема да молчи и се ќе каже на второто гостување кај Лазаров
КАКО ВО ЛЕТО: ЕВЕ КАКВО ВРЕМЕ ЌЕ ИМАМЕ ДЕНЕСКА - температури и до 26 степени
ФАКТОР НА ДЕНОТ: Православните го слават Велигден, политичарите повикаа на сплотеност
ПО ПОВОД ВЕЛИГДЕН: Фатмир Битиќи на гости кај Оливер Спасовски
КОЛКУ СЕ ХРАНЛИВИ ЈАЈЦАТА: Дали треба да се внимава со жолчките?
ДЕВОЈЧЕ ОД ПЕТРОВЕЦ ИЗБЕГА ОД ДОМА: Таткото се сомнева дека е кај момчето
ЕФРЕМОВ: Полицајците евакуираа и спасија 60 стари, изнемоштени и неподвижни лица во Банско
ПО НЕГО ИМАШЕ ПОТЕРНИЦА: Кондовецот Агим Красничи е упасен во Косово
