ВНИМАВАЈТЕ: Крадци „оперираат“ во Скопје, одземаат чанти и мобилни
Објавено во: Македонија 08 Август, 2019
Дрски кражби се регистрирани во Скопје, така што крадците напаѓаат минувачи, им крадат чанти и мобилни телефони.
Две вакви кражби регистрирала полицијата вчера, при што од минувачи се одземени чанта и мобилен телефон.
Во 22 часот во СВР Скопје, Л.К.(42) пријавил дека на булевар „Партизански Одреди“ на паркинг пред угостителски објект, две лица со закана му одзеле чанта.
Истиот ден, во 21.30 часот во СВР Скопје, Д.Ј. од Скопје, пријавила дека на ул. „Венјамин Мачуковски“ едно лице физички ја нападнало и ѝ одзело мобилен телефон.
Три минути по полноќ, пак, во СВР Скопје, е пријавено дека едно лице со закана одзело пари и цигари од продавница на улица „11-ти Октомври“.
Се преземаат мерки за расчистување на случаите.