Во болниците во внатрешноста има околу 70 слободни болнички кревети

Добивај вести на Viber

Во регионалните центри Битола и Штип и останатите болници во земјата се лекуваат вкупно 682 пациенти позитивни и суспектни ти на ковид – 19, слободни места има во речиси сите центри, информираат од Министерството за здравство. 

Во болниците во внатрешноста има околу 70 слободни болнички кревети, а се прават и исписи на оздравени пациенти со што ќе се ослободат дополнителни легла.

„По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 68 позитивни и суспектни пациенти на ковид-19. Во болницата во Штип се примени 5, а вкупно хоспитализирани 59 пациенти. На  инфективното одделение во Тетово има 51 пациент, во Велес се лекуваат 75 болни, а во Куманово 66 пациенти. Во ковид центарот во Охрид има хоспитализирано 94 пациенти, во Прилеп 80, во ковид центарот во Гостивар 38, а во Струга 37 болни. Во болницата во Струмица лежат 22 пацинети, во Кочани 19, во Кичево 19, Кавадарци 42, а во Гевгелија 12 лица позитивни на корона вирусот.  Имајте во предвид дека бројките се менуваат од час во час, според направените приеми и исписи на пациенти. Инаку, сите одделенија на клиничките болници располагаат со болнички места до кои има довод на кислород“, соопштуваат од Министерството за здравство. 

Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.