ВО ГЕРМАНИЈА ПЕНЗИЈА И ЗА ПЕТ ГОДИНИ РАБОТА - колку ќе уживате во староста, ќе зависи од висината на платата
Објавено во: Економија 12 Јуни, 2023
За да имате право на германска пензија, мора да имате платено најмалку пет години придонеси за пензиско осигурување или, со други зборови, да имате најмалку пет години стаж. Толку труд покриен со придонеси практично ви гарантира пензија кога ќе наполните години старост, а нејзината висина зависи од платата или од позицијата на која сте работеле.
Во Германија оваа година можете да се пензионирате со 65 години и 11 месеци, а ова правило важи и за мажи и за жени.
Ако пет години сте земале просечна германска плата во западна Германија, тогаш со вашите придонеси сте собрале точно пет пензиски поени. И што значи тоа? Во најмала рака, месечна пензија од 180 евра, ако сте работеле за просечна плата која претходните години била околу 2.600 евра нето.
Објаснувањето е следно:
Колку се поголеми приходите, односно колку е поголема платата, толку се повисоки и придонесите кои се плаќаат за задолжителното пензиско осигурување. Овие придонеси, пак, одредуваат колку пензиски поени или поени за заработка ќе соберете.
Имено, просечната годишна бруто плата во 2023 година е 43.142 евра на запад и 41.967 евра на исток од Германија. Ако заработувате колку што заработува просечниот германски работник за една година, ќе ви биде доделен еден пензиски бод
За секој пензиски бод имате право на т.н вредност на пензијата. Ова во моментов изнесува 36,02 евра на запад и 35,52 евра на исток (од јуни 2023 година), пишува Вечерњи лист.
Ако пет години сте земале просечна германска плата на западот од земјата, тогаш со вашите придонеси сте собрале точно пет пензиски поени. Сегашната вредност на пензијата би значела месечна пензија од 180,1 евра (5 x 1 x 36,02 x 1). Ако не добиете точно еден пензиски бод за пет години работа, вашата пензија ќе се промени.
Износот на месечната пензија по пет години работа се пресметува според следната формула: месечна бруто пензија = поени заработувачка x фактор за пензионирање x моментална вредност на пензија x фактор за тип на пензија.
И факторот на заминување и факторот за тип на пензија имаат вредност 1 ако не се пензионирате предвремено и пензијата е обична старосна пензија.
Извор: Вечерњи лист
Можеби ќе ве интересира
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
