Добивај вести на Viber
Расте бројот на издадени дозволи за градба. Државниот завод за статистика објави дека во септември годинава се издадени 266 одобренија што е за 25.5% повеќе во однос на истиот месец лани. Предвидената вредност на објектите, во кои треба да има 476 станови изнесува 38,7 милиони евра што пак, е за 13.2% помалку во однос на истиот месец лани.
Од вкупниот број на издадени одобренија за градење, 73.7% се наменети за објекти од високоградба,7.9% за објекти од нискоградба и 18.4% за реконструкција. Од вкупно 266 издадени одобренија за градба, на 210 како инвеститори се јавуваат физички лица, а на 56 објекти ќе бидат изградени од деловни субјекти. Податоците на Заводот покажуваат дека стандрдно, најмногу одобренија се издадени во Скопскиот регион 68 и Полошкиот регион каде се издадени 67 градежни дозволи.