Во собите и апартманите на Скопје Мериот

Добивај вести на Viber

Можноста да ги видиме одблиску сместувачките капацитети на Скопје Мериот Хотел ни отвори врата кон еден сосема нов свет, свет на минималистички луксуз и функционалност.

Со своите 164 соби и апартмани, кои се дел од сместувачкиот капацитет, Скопје Мериот Хотел се издвојува значително во секој аспект на хотелиерската индустрија и ви ја менува перцепцијата за стандардите.

Секоја од собите во Скопје Мериот претставува комбинација на традиционална архитектура и модерен дизајн на ентериерот, додека посебно внимание е посветено на функционалноста и леснотијата на движење во просторот. Додадени вредности има многу, но пред сè се издвојува кохерентноста на внатрешниот простор на самите соби со помошните простории како што се ходник, дневен простор и секако бањите.

Во Скопје Мериот секоја од гостинските соби и апартманите се направени согласно можностите на архитектонската поставеност и концепт, па затоа и се единствени. Дополнително на ова, Скопје Мериот располага со деловен дневен простор кој што нуди уникатен комфор, додека мобилните услуги за гостите успеваат на едноставен начин да ги спојат беспрекорната услуга со технологијата. Во собите на Скопје Мериот се имплементирани низа иновативни содржини и дизајнерски карактеристики, со цел да го направат престојот на гостите едно навистина вредно искуство, дотаму што Мериот хотелите се први кои развиваат систем за отклучување на собите преку мобилен уред.

Комоцијата и екстравагантноста на престојот во Скопје Мериот продолжува и на друго ниво. За гостите кои престојуваат во собите од повисока категорија достапна е единствената услуга во Executive Lounge просторот. Овој простор, кој исто така поседува автентичен печат во дизајнот на ентериерот, се состои од внатрешен бар како и отворена тераса со простор за релаксација и на располагање на гостите е достапен посебен рецепционер, храна и пијалаци.

За крај, да го споменеме и луксузниот Претседателски апартман, кој покрај сите додадени содржини, нуди и безвременски поглед на центарот на градот Скопје.