ВО СОСЕДСТВОТО: Ги зголемија пензиите за 20 отсто
Објавено во: Економија 07 Октомври, 2024
Во соседно Косово пензиите ги зголемуваат за 20 отсто.
Косовската влада во предизборие ги покачи пензиите за 20 отсто.
На четири месеци пред парламентарните избори, закажани за 9 февруари 2025 година, премиерот Албин Курти денеска објави дека од овој месец пензиите за одредени категории пензионери ќе се зголемат за 20 отсто, јави дописникот на МИА од Приштина.
На денешната конференција за медиуми, одржана заедно со министерот за финансии, Хекуран Мурати, Курти објасни дека од овој месец ќе има зголемување на основната пензија за повеќе категории.
Се зголемуваат основната старосна пензија, целосната и делумна придонесна пензија, инвалидската пензија за деца и возрасни, пензијата за слепи, за параплегични и тетраплегични, семејната, пензиите за работни инвалиди и предвремените пензии за работниците на (рудникот) Трепча.
Ќе потрошат над 100 милиони евра, а покачување ќе добијат над 304.000 корисници.
Во Македонија месецов пензионерите добија покачување од 2.500 денари, а идната година ќе добијат уште толку. И во соседна Србија пензиите се зголемија.
foto freepik.com