ВОНРЕДНА СОСТОЈБА: Владата ќе прави нов закон за правилата на прогласување

Добивај вести на Viber

Владата планира да донесе сосем нов закон за прогласување на вонредна состојба. Потребата произлегла од пандемијата предизвикана од Ковид-19, кога требаше и да се прогласува вонредна состојба во државата. Институциите се на мислење дека досега имало слаба регулација на точните правила за прогласување на вонредна состојба и дека таа материја е уредена во повеќе заокни и во Уставот. 

„Од причина што мал број на уставни и законски одредби се единствените кои ја регулираат вонредната состојба, се јави потреба од изготвување на посебен Закон за вонредна состојба, во кој детално ќе биде уредена оваа материја, стои во образложението на ЕНЕР во кое се најавува подготовката на законот.

Со новиот закон, се смета, треба да се направи јасна дистинкција помеѓу вонредната и останатите состојби воена, кризна и други состојби. 

„Со овој предлог на закон се уредуваат постапката за утврдување на постоење на вонредната состојба, надлежностите, правата и обврските на органите на државната власт и локалната самоуправа за време на вонредната состојба, начинот на управување со вонредната состојба и надлежноста за донесување на уредби со законска сила, стои во објаснувањето.

А.Т.