Вонредна средба на министрите за финансии од еврозоната

Добивај вести на Viber

Претседателот на Еврогрупата Жан-Клод Јункер планира да свика вонредна средба на министрите за финансии од еврозоната, за конешко како што вели, да го затвори прашањето со Грција. Според грчките весници, вонредната средба би можела да се закаже за петок, бидејќи на еврозоната и се брза со постапката за доделување на следната транша од 31,5 милијарди евра, од кои Атина има итна потреба поради празната државна каса. Јункер сака да се искористи динамиката, настаната по самитот на Европскиот совет за Грција минатата недела и да не остане прашањето „во воздух“ до редовната средба на Еврогрупата на 12 ноември. Грчкиот министер за финансии Јанис Стурнарас сеуште не ги потврдил инфромациите за вонредната средба на еврогрупата. Атина и тројката кредитори од Европската унија, Европската централна банка и Меѓународниот монетарен фонд постигнаа договор за значителен дел од новите мерки за штедење во вредност од 13,5 милијарди евра, така што останува да биде постигнат договор за работните односи и отпуштањата во државниот сектор.