ВОЗМОЖНО Е: Од Мексико до Кина за четири часа

Добивај вести на Viber

Долгите и мачни патувања полека одат во историјата на човештвото. Британската компанија „Reaction Engines“ работи на изградба на нов авион кој би ве однел на било која дестинација на земјината топка за само четири часа. Авионот е наречен „Skylon“ и за 240 минути ќе може да стигне од Британија до Австралија или од Мексико до Кина за само четири часа. Тоа ќе биде овозможено од новата технологија која на леталото ќе му овозможи да достигне за пет пати поголема брзина од брзината на звукот. Оваа нова технологија е наречена „Сабја“ и се потпира на систем за ладење кој ќе може да го разлади моторот за неверојатни 1000 степени Целзиусови за време од 0,01 секунда, без притоа да создава блокади. Иако компанијата се надева дека на овој начин ќе може да создаде супербрз авион кој би можел да пренесува 300 патници и да лета како ракета, технологијата сепак не е наменета за земски патувања. Леталото „Skylon“ ќе ја унапреди брзата авијација, но инсталирањето на „Сабја“ во патнички авиони нема да биде возможно без претходен редизајн на нивните мотори, па така експертите предвидуваат дека ваквиот систем ќе се користи само за 10 отсто од вкупните комерцијални летови. Првиот тест лет е планиран за 2019 година.